Wara kalap
26 June 2016
RAYMOND SIGIMET
Naispela wara kalap
Long maunten antap
Kol blong en i nais tru
Harim em lap stap long yu
Taim em i ron kam daun
Na kalap paitim ston
Naispela wara kalap
Em ron yet na kalap stap
Em yu yet lukim long ai
Aninit long ol bus diwai
Nogat narapela i olsem
Ples wara kalap long en
Dispela wara kalap
Stap long naispela hap
Em i ron na kalap i stap olsem
Bipo yet long lapun tumbuna taim
Kam taim blong papamama
Na nau ol pikinini na yangpela tumbuna
Dispela wara kalap
Em kalap isi na i no rap
Save kolim nek na tingting
Na tu ol narapela samting
Taim bikpela wara i rap na doti
Em nogat tru, em klin na kalap isi
Gutpela wara kalap
Long taim blong pait na lap
Em yet gat stori blong en
Taim yu pait aninit long bik san
Na yu sot win na nek i drai
Kam kolim nek na lukluk long ai
Gutpela wara kalap
Long maunten antap
Em ron yet na kalap stap
Stap long naispela hap
Em kalap isi na i no rap
Long taim blong pait na lap
Thanks Phil, glad this TP poem made your day.
Posted by: Raymond Sigimet | 28 June 2016 at 10:48 PM
That's a lovely poem Raymond - made my day.
Posted by: Philip Fitzpatrick | 26 June 2016 at 09:19 AM